Leiknir og Valur mætast í úrslitum Reykjavíkurmótsins
Leikurinn fer fram mánudaginn 9. febrúar kl. 19:00 í Egilshöll
Það verða Leiknir og Valur sem leika til úrslita í Reykjavíkurmóti KRR en þetta varð ljóst eftir undanúrslitaleiki gærkvöldsins. Þessi félög mætast í úrslitaleiknum, mánudaginn 9. febrúar, í Egilshöll og hefst leikurinn kl. 19:00.
Valur hafði betur gegn Fjölni í undanúrslitum og Leiknir gegn KR en þar réðust úrslit eftir vítaspyrnukeppni.
Það er um að gera að hvetja knattspyrnuáhugafólk til þess að mæta í Egilshöllina og sjá þennan úrslitaleik en aðgangur er ókeypis. Heiðursgestir KRR á þessum leik verða þeir Arnar Einarsson, fyrrverandi formaður Leiknis og Ingvar Elisson, fyrrverandi leikmaður Vals. Munu þessir heiðursmenn heilsa upp á leikmenn fyrir leik og afhenda svo verðlaun að leik loknum
