Ásta Árnadóttir ráðin aðstoðarþjálfari meistaraflokks kvenna í knattspyrnu
Ásta Árnadóttir hefur verið ráðin aðstoðarþjálfari
meistaraflokks kvenna í knattspyrnu. Ásta kom inn í þjálfarateymið
sem sjúkraþjálfari og verið afar mikilvægur hlekkur innan hópsins.
Ásta mun því miðla af allri sinni reynslu og þekkingu til
leikmannahópsins á komandi tímabili.
Ekki þarf að kynna knattspyrnukonuna Ástu Árnadóttur fyrir
Völsurum. Þetta er einhver mesta baráttukona sem við höfum
átt
í okkar herbúðum, jákvæðni hennar og leikgleði sást, og sést
langar leiðir. Hún var leikmaður sem skyldi allt eftir á
vellinum.
Reynsla og ástríða Ástu fyrir leiknum verður ómetanlegt vopn í
sumar hjá kvennaliði Vals sem sannarlega er í mótun og þarf á
miklum stuðningi Valsara að halda.
Ólafur og Ásta eru gríðarlega hæft þjálfarateymi og jafnframt
einstaklega miklir Valsarar sem gera kröfur til þeirra
leikmanna
sem klæðast búningi félagsins.
Það er sannarlega spennandi knattspyrnusumar framundan hjá
meistaraflokki kvenna. Fyrsti heimaleikur á fimmtudaginn
kemur
kl. 14 þegar Afturelding kemur í heimsókn. ALLIR Á VÖLLINN
Áfram Valur
Áfram Hærra.