Birta frétt

Eftir skemmtilegt sumar eru vonandi allir eldhressir og tilbúnir í veturinn. Við hjá Knattspyrnufélaginu Val hlökkum til vetrarins þegar krakkarnir streyma með bros á vör á æfingar og líf og fjör er í húsinu.

Mánudaginn 22. ágúst tekur vetrartaflan við í fótboltanum og flokkaskipting á sér stað. Töfluna er hægt að sjá undir börn&unglingar -> fótbolti. Vetraræfingar í hand- og körfubolta byrja svo 29. ágúst og það sama á við um Valsrútuna. Skráning í Valsrútu opnar miðvikudaginn 24. ágúst. 

Skráning hefst sama dag í fótboltann, handboltann og körfuboltann hjá yngri flokkum og jafnframt í Valsrútuna sem er fyrir 8.,7. og 6. flokka frá Frístundaheimilunum hér í kring.