Líf og fjör á námskeiðum tvö í sumarstarfi Vals - Skráning á námskeið 3-6 í fullum gangi
Líkt og í fyrstu viku sumarnámskeiða Vals var heljarinnar fjör hjá iðkendum á námskeiðum vikunnar eins og meðfylgjandi myndir bera vitni um. Veður var áfram með besta móti og skemmtu þátttakendur sér með eindæmum vel.
Peyjarnir í 7. flokki voru heldur betur tilbúnir í bátana þegar þeir lögðu af stað á Norðurálsmótið í dag og búnir að æfa af krafti í fótboltaskólanum og hjá Arnari Steini þjálfara í liðinni viku - Við óskum þeim góðs gengis og skemmtunar upp á Skipaskaga um helgina!
Krakkarnir í körfuboltaskóla Vals voru ögn færri en í síðustu viku en það kom ekki að sök og ríkti frábær stemning og leikgleði á námskeiðinu.
Sumarbúðir í borg voru að vanda með fjölbreytta dagskrá þessa vikuna og ber þar helst að nefna heimsóknir á borgarbókasafnið, varðskipið Óðinn, fjölskyldu- og húsdýragarðinn að ógleymdri heimsókn á Árbæjarsafn þar sem krakkarnir fengu t.a.m. að skoða leikföng frá því í gamla daga.
Dagskráin í næstu viku verður ekki að verri endanum en hana má sjá hér að neðan ásamt matseðli vikunnar.
Mánudagur // 24. júní
Fyrir hádegi: Gönguferð á klambratún, frisbí golf og leikið sér á svæðinu
Hádegismatur: Steiktar fiskibollur með karrýsósu gufusoðnum hrísgrjónum og agúrkubitum
Eftir hádegi: Ratleikur í öskjuhlíð
Þriðjudagur // 25. júní
Fyrir hádegi: Kjarvalsstaðir (Gæti færst til)
Hádegismatur: Lambakjötspottur með kartöflumús og salati
Eftir hádegi: Gönguferð í hljómskálagarðinn og leikið þar
Miðvikudagur // 26. júní
Fyrir hádegi: Spilað og leikir á Vals-svæðinu
Hádegismatur: Steiktar kjötbollur sósu soðnum kartöflum og grænum baunum,ömmusulta
Eftir hádegi: Fjölskyldu- og húsdýragarðurinn
Fimmtudagur // 27. júní
Fyrir hádegi: Heimsókn í mjölnir (Gæti færst til)
Hádegismatur: Lambakjötsmolar með hrísgrjónum og súrsætri sósu ásamt gúrkum, tómötum og vínberjum.
Eftir hádegi: Sundferð í vesturbæjarlaug
Föstudagur // 28. júní
Fyrir hádegi: Leikir og íþróttir á Vals-svæðinu
Hádegismatur: Pylsupartí
Eftir hádegi: Heimsókn á árbæjarsafn
- Smelltu hér til að skrá iðkendur á námskeið 2-6 (Sumarbúðir, Knattspyrnuskóli, Körfuboltaskóli)
- Smelltu hér til að sjá dagskrá Sumarbúða í borg ásamt matseðli vikunnar
- Smelltu hér til að skoða heimasíðu sumarstarfs Vals
Minnum einnig á tækninámskeið fyrir 4. Og 5. Flokk sem hefst á mánudaginn. Kennt er milli klukkan 8:00 og 9:00.