Knattspyrnufélagið Valur

Jæja Valsarar!

Í kvöld hefst fyrsta mót ársins, þegar okkar menn taka á móti nágrönnunum úr Fossvogi. Ég veit ekki með aðra, en fyrsti mótsleikur á nýju ári er alltaf spennandi fyrir mig - sjá leikmenn sem eru búnir að fá að spreyta sig í misalvarlegum æfingaleikjum loksins koma í leiki sem eru skráðir.

Ekki skemmir að þessi leikur er sá fyrsti sem Gulli stjórnar.

Það er sennilegt að við höldum áfram með 4-3-3 sem var í gangi í leikjunum fyrir jól, skemmtilegt leikkerfi að mínu mati sem hentar þessum hópi. Nýji leikmaðurinn úr Þrótti, Haukur Páll, er ekki kominn með leikheimild, svo hann verður ekki með. Aðrir sem þurfa að dvelja utan vallar eru Hafþór Ægir, Einar Marteins og Haraldur Björns, þar sem þeir eru allir nýbyrjaðir að æfa eftir meiðsli.

Persónulega gaf ég eftir frímiða á forsýningu nýs leikrits í Borgarleikhúsinu og Pub-Quiz Sammarans til að sjá þennan leik. Fjölmennum á pallana svo ég sé ekki solo þarna!

Áfram Valur!

http://vikingur.net/web/?page=news_story&id=1793

Ekki voru allir jafnánægðir og Víkingar í gær en Börkur Edvardsson, formaður knattspyrnudeildar Vals, stóð fyrir miðri stúkunni og leyfði öllum þeim sem höfðu áhuga á að heyra hvað honum fannst um Víkingsliðið. Ömurlegt, lélegt og það getur ekkert, heyrðist trekk í trekk frá formanninum.

Það var svo rétt áður en flautað var til leiksloka að hann mælti þau fleygu orð: "Þetta Víkingslið er bara eins og firmalið. Það yrði skömm að tapa fyrir því." Sú varð þó raunin. Firmaliðið hafði sigur, 2-1, á Öskjuhlíðarpiltum.