Staða: Stjórnandi
Skráði sig: 17.10.08
Bréf: 130
Staður: Reykjavík
|
Stærsti leikur hvers keppnistímabils ár hvert er án efa sjálfur bikarúrslitaleikurinn. Í kringum þessa leiki er jafnan mikil spenna og æstir stuðningsmenn liðanna troðfylla Laugardalshöllina. Í fyrra voru það Valsmenn sem sigruðu 1. deildarlið Gróttu en þurftu að hafa talsvert fyrir sigrinum.
Helgina 13.-14. febrúar fara undanúrslitaleikir Eimskipsbikarsins fram. Í undanúrslitum karla árið 2010 eru það Haukar sem etja kappi við HK og bikarmeistarar Vals fá Gróttu í heimsókn.
Gróttumenn, sem eiga harma að hefna síðan í úrslitaleiknum í fyrra, hafa komið mörgum á óvart og var leikur Vals og Gróttu í 1.umferð Íslandsmótsins mjög spennandi. Þeim leik lauk með eins marks sigri Vals, líkt og leikurinn í 2.umferð. Gróttumenn hafa sett markið að því að halda sér í deildinni og er staðan á því markmiði á áætlun.
Valsmenn eru bikarmeistara síðustu tveggja ára og léku til úrslita um Íslandsmeistaratitilinn við Hauka síðasta vor en urðu að játa sig sigraða. Valsmenn eru án efa til í að bæta 3. titlinum á þremur árum í safnið.
Talsverðar tengingar eru á milli Gróttu og Vals. Fyrir tímabilið skiptu félögin á markverðinum Hlyni Morthens, sem hafði leikið í mörg ár fyrir Gróttu, og fengu í staðinn Anton Rúnarsson og Hjalta Pálmason. Fyrir hjá Gróttu eru fyrrverandi leikmenn Vals, línumennirnir Ægir Hrafn Jónsson og Atli Rúnar Steinþórsson. Þessar tengingar gera leiki liðanna sérstaklega spennandi á að horfa og erum við sannfærðir um að svo verður einnig að þessu sinni.
Einstaklega gaman hefur verið að fylgjast með áhorfendum Gróttu í vetur sem hafa fjölmennt á leiki liðsins. Þá gildir einu hvort um heimaleiki eða útileiki hefur verið að ræða. Sterkur hópur áhorfenda er lykillinn að því að koma Gróttu aftur í Höllina og gera atlögu að bikarmeistaratitlinum. Við hvetjum alla Gróttumenn að flykkjast í Vodafone-höllina og gera leikinn að okkar.
Vona að við sjáum sem flesta,
Gísli Guðmundsson
Halldór Ingólfsson
Þjálfarar mfl. karla Gróttu
|
Staða: Stjórnandi
Skráði sig: 17.10.08
Bréf: 130
Staður: Reykjavík
|
Fyrir tæpu ári síðan skrifaði undirritaður hugleiðingar í tilefni bikarúrslitaleiks Gróttu og Vals sem birtust á heimasíðu Gróttunnar í undirbúningi fyrir þann bikarslag. Þetta er því annað árið í röð sem þessi lið mætast í bikarkeppni og má færa fyrir því rök að um svokallaðan Derby- leik verði að ræða þegar Gróttan fer á heimsókn á Hlíðarenda þann 14.febrúar nk. Í ljósi þessa er vel við hæfi að tekin sé upp þráðurinn hér og farið yfir tengsl þessara félaga.
Þegar sagan er skoðuð kemur í ljós að Gróttan hefur ekki oft riðið feitum hesti í viðureignum þessara liða. Þó verður lengi í minnum hafður leikur í 16 liða úrslitum SS bikars karla árið 1999 sem fram fór á Seltjarnarnesi þar vann Gróttan frækinn sigur 29-24 og fór síðar í undanúrslit með sigri á KA. Bikarúrslitaleikurinn fyrir ári síðan er þó skiljanlega efstur í huga. Þar sýndi Gróttan mikla seiglu með því að komast aftur inn í leikinn eftir erfiðleika í byrjun og glöddu augu stuðningsmanna sinna með fínum tilþrifum á köflum. Með þá reynslu í farteskinu verður því annað uppi á teningnum í ár.
Sé bikarhefðin skoðuð hefur Valur vinninginn enda hefur Gróttan enn ekki orðið íslandsmeistari í boltagrein. Valsmenn hafa aftur á móti 97 sinnum unnið slíkan bikar, en hver er svosem að telja.
Segja má að tengsl liðana skíni í gegn þegar horft er yfir sviðið og sameiginlegir leikmenn skoðaðir enda hefur Gróttan verið stærsti valdur af stærstu blóðtökum Valsara undanfarin ár. með Gróttuliðinu í dag leika fjórir fyrrum leikmenn Vals þeir; Hjalti Pálmason, Anton Rúnarsson, Ægir Hrafn Jónsson og fyrirliðinn Atli Rúnar Steinþórsson. Þá gegnir Guðmundur Árni Sigfússon hlutverki tæknilegs ráðgjafa hjá Gróttunni í dag en hann var áður aðstoðarþjálfari hjá Val. Með Val leika hins vegar fáir Gróttumenn, eingöngu Hlynur Morthens markvörðir (enda fáir sem sjá hag sínum betur borgið annarsstaðar eftir viðdvöl á Seltjarnarnesi).
Við Gróttumenn munum mæta óhræddir í slaginn á sunnudaginn með viljann að vopni og stígum skrefið nær fyrsta bikar Gróttu í boltaíþrótt og festum með því bikarhefðina í sessi á Seltjarnarnesi.
Sunnudagur 14.febrúar kl. 18:00. EKKI MISSA AF ÞESSUM LEIK !
Tekið af grottasport.is
|
