Knattspyrnufélagið Valur

Reykjavík, 27. ágúst 2010.

Við undirritaðir stjórnarmenn knattspyrnudeildar Vals höfum ákveðið að segja af okkur stjórnarmennsku þar sem trúnaðarbrestur hefur orðið á milli stjórnar knattspyrnudeildar Vals og aðalstjórnar félagsins.
Við höfum unnið að heilindum síðan við tókum sæti í stjórn knattspyrnudeildar Vals árið 2003 þegar meistaraflokkur karla lék í fyrstu deild. Með miklu og samstilltu átaki tókst að byggja upp öfluga knattspyrnudeild sem hefur náð frábærum árangri á síðustu árum bæði í karla- og kvennaflokki.

Innan félagsins hefur hins vegar ýmislegt gengið á undanfarin misseri. Ákveðnir einstaklingar, sem við töldum samherja okkar, hafa gert okkur erfitt um vik við áframhaldandi uppbyggingu knattspyrnudeildarinnar. Þeir hafa að vissu leyti tekið yfir stjórnarstörf okkar sem erum þó lýðræðiskjörnir stjórnarmenn. Við teljum að slík vinnubrögð séu knattspyrnufélaginu Val ekki til framdráttar og höfum því ákveðið að stíga til hliðar til að skapa frið um störf félagsins.

Á þessum tímamótum langar okkur að þakka þeim fjölmörgu Valsmönnum sem hafa starfað með okkur og félaginu að því mikla uppbyggingarferli sem hefur átt sér stað undanfarin ár innan knattspyrnudeildarinnar. Við erum afar stoltir að hafa byggt upp sterkasta meistaraflokk kvenna í sögu félagsins og þökkum bæði fyrrverandi og núverandi þjálfurum þeim, Elísabetu Gunnarsdóttur og Frey Alexanderssyni fyrir frábært samstarf. Við erum einnig þakklátir Willum Þór Þórssyni sem þjálfaði meistaraflokk karla þegar Valur varð bikarmeistari 2005 og Íslandsmeistari 2007.

Við þökkum einnig núverandi þjálfarateymum meistaraflokks karla og kvenna fyrir samstarfið, þeim Frey Alexanderssyni, Þórði Jenssyni, Orra Sigurðssyni og Ragnheiði Jónsdóttur hjá kvennaliðinu og þeim James Bett, Friðriki E. Jónssyni, Birni Zoega, Sævari Gunnleifssyni og Halldóri Eyþórssyni hjá karlaliðinu. Að endingu viljum við þakka leikmönnum kvenna- og karlaliðs Vals í knattspyrnu fyrir frábært samstarf og hvetjum liðin áfram til árangurs.

Með miklu átaki hefur tekist að gera Val að stórveldi í íslenskri knattspyrnu á nýjan leik, félagi sem hefur unnið marga titla á undanförnum árum bæði í karla- og kvennaflokki.

Við erum og verðum alltaf Valsmenn og dyggir stuðningsmenn félagsins.

Áfram Valur!

Virðingafyllst

E. Börkur Edvardsson

Jón Grétar Jónsson

Bragi G. Bragason

Jón Höskuldsson

Fyrir mína parta vil ég nú bara þakka stjórninni kærlega fyrir vel unnið og óeigingjarnt starf.

Menn standa ekkert í löngum bunum til að fá að vinna sjálfboðastörf fyrir íþróttafélög, og þau eru yfirleitt launuð með litlu þakklæti. Það er nú bara þannig og verður sennilega alltaf.

Með valskveðju

Eitthvað hefur gengið á síðustu daga en þetta kemur samt frekar á óvart.

Börkur og félagar eiga hrós skilið fyrir það sem þeir gerðu vel, þótt margt hafi auðvitað verið umdeilt í þeirra stjórnartíð. Eftir standa eftirminnileg ár þar sem skiptust á skin og skúrir. Ég þakka þeim félögum fyrir magnaðar minningar.

Það hlýtur að hafa verið yfirsjón, trúi engu öðru.

Leitt að heyra,þessi stjórn er virkilega búinn að standa sig og komið Val á alvöru stall.Stjórnin á miklar þakkir fyrir. En félagið er mililvægara en men og einstaka persónur. Nú þarf að grafa stríðsöxina, og vona að ekki verði langvarandi leiðindi um að ræða.

Leitt að sjá þetta og það getur ekki verið annað en áfall fyrir félagið að missa þessa 4 á einu bretti, efa að allir átti sig á hvað þeir hafa unnið mikið fyrir klúbbinn.

Ég þurfti annars að leita eitt ár aftur í tímann til að finna út hvaða notandanafn ég hafði sett hérna inn, en síðast skrifaði ég hérna er tilkynnt var að Gulli yrði næsti stjóri Vals!! Það er alveg voðalega mikið mál að bæði ráða og svo kannski núna reka Gulla greyið, ættuð held ég frekar að losa ykkur við Gróu á Leiti sem getur ekki setið á sér með stórfréttirnar heldur en þessa sem skipað hafa stjórn síðan 2003 já eða Gulla sem þarf auðvitað að fá smá meiri tíma en þetta (",)

Burtséð frá því þá gætu einhverjir hér haft gaman að þessu (upphitun fyrir leikinn) og eins hvet ég Heiðu í dal til að skoða vinnumailið þegar hann sér þetta.

Sjáumst á Selfossi
Babú

Margt viðrist benda til þess að þeir stjórnarmenn nú hafa látið af störfum hafi ekki stutt ráðningu Gulla. Og líkurnar á því að Gulli verði þjálfari liðsins á næsta tímabilun eru hverfandi.
Það verður erfitt kannski ómöglegt að leggja Gumma Ben. og þeirra pilta á Selfossi -