Hérna er að finna "íþróttanámsskrá Knattspyrnufélagins Vals"

sem gefin var út árið 2003.

 

Formáli námskráarinnar:

Knattspyrnufélagið Valur á sér 92 ára einstaka sögu í íþróttahreyfingunni og æskulýðsstarfi í Reykjavík. Sagan nær til árangurs á sviði íþrótta en einnig til tengsla félagsins við æskulýðsleiðtogann séra Friðrik Friðriksson og KFUM og K.

Knattspyrnufélagið Valur er eitt mesta afreksfélag Íslands í knattleikjunum knattspyrnu og handknattleik. Auk þess er körfuknattleikur stundaður innan vébanda félagsins.

Fjórir einstaklingar úr röðum félagsins hafa verið valdir Íþróttamenn ársins á Íslandi en ekkert íþróttafélag hefur átt jafnmarga fulltrúa í þeim hópi. Þá hafa margir helstu forystumenn íslenskrar íþróttahreyfingar átt rætur sínar að rekja til Vals og unnið ómetanlegt starf við uppbyggingu félagsins og íþróttahreyfingarinnar á Íslandi á undanförnum áratugum.

Starfsemi Vals hefur mótast af hefðum samfélagsins og verklagi forystumanna félagsins á hverjum tíma, en ytri og innri kröfur til gæða félagsstarfsins hafa verið mismunandi hverju sinni.