Birta frétt

Hallbera Gísladóttir gerir samning við Val til þriggja ára. Hallberu þarf vart að kynna fyrir knattspyrnuáhugafólki en hún hefur spilað 120 leiki í deild og bikar fyrir Val. Hún á að baki 90 landsleiki og átt farsælan feril í atvinnumennsku. Hún kemur til Vals frá sænska liðinu Piteá.

Elín Metta er 22 ára og hefur leikið með Val allan sinn feril. Þrátt fyrri ungan aldur þá á hún að baki 118 leiki í deild og bikar með Val og hefur skorað í þeim leikjum 81 mörk. Elín Metta hefur leikið 32 A-landsleiki ásamt fjölda leikja með yngri landsliðum. Elín Metta sem gerir þriggja ára samning var kjörin besti leikmaður Vals á liðnu tímabili.

Mist Edvardsdóttir kom til Vals árið 2011 og hefur leikið með félaginu síðan. Mist hefur verið að ná sér af meiðslum sem hún varð fyrir á seinasta ári. Endurhæfing hefur gengið mjög vel og hún byrjuð að æfa og verður klár þegar deildin byrjar í sumar. Samningur Mistar er til tveggja ára.

Það er einkar ánægjulegt að þessar öflugu knattspyrnukonur hafi skuldbundið sig til að leika með Val næstu árin.