Líf og fjör í þriðju viku sumarstarfs Vals - Skráning á námskeið 4-6 í fullum gangi
Þrátt fyrir dumbunginn í veðrinu þessa vikuna hefur ríkt gleði og góð stemning hjá krökkunum í sumarstarfi Vals.
Fótboltaskólinn hitaði upp fyrir Vestmannaeyjar í upphafi vikunnar en 6. flokkur karla lagði land undir fót þar sem þeir taka þátt í Orkumótinu sem nú stendur yfir. Að venju endaði vikan svo með þrautabraut á fimmtudaginn og HM-móti í dag þar sem úrslit réðust í vítaspyrnukeppni.
Helena Sverrisdóttir var skólastjóri körfuboltaskólans þessa vikuna en alls voru yfir 20 iðkendur skráðir til leiks. Körfuboltaskólinn fer nú í frí þangað til í ágúst þegar nýtt námskeið hefst.
Dagskráin í sumarbúðunum þessa vikuna var svo þétt að vanda en þar ber helst að nefna heimsókn á borgarbókasafnið, frisbí gólf á Klambratúni, ratleikur í Öskjuhlíðinni, sundferð í Laugardalslaug og heimsókn á Árbæjarsafnið.
Næsta vika í sumarbúðunum gefur þessari ekkert eftir og má sjá dagskránna hér að neðan ásamt matseðli vikunnar.
- Smelltu hér til að skrá iðkendur á námskeið 4-6 (Sumarbúðir & knattspyrnuskóli)
- Smelltu hér til að sjá dagskrá Sumarbúða í borg ásamt matseðli vikunnar
- Smelltu hér til að skoða heimasíðu sumarstarfs Vals
Vikan 1. - 5. júlí
Mánudagur // 1. júlí
Fyrir hádegi: Heimsókn í Hallgrímskirkju
Hádegismatur: Ítölsk kjötsósa og spaghetti ásamt fersku salati með vínberjum. Nýbakað brauð.
Eftir hádegi: Gönguferð á klambratún, frisbí golf og leikið sér á svæðinu
Þriðjudagur // 2. júlí
Fyrir hádegi: Heimsókn á borgarbókasafn
Hádegismatur: Ofnbakaður fiskur í raspi með kaldri kryddsósu hrísgrjónum,ísalat,tómatar,gúrkur.
Eftir hádegi: Gengið upp í öskjuhlíð og leikið sér þar
Miðvikudagur // 3. júlí
Fyrir hádegi: Spilað og leikir á Vals-svæðinu
Hádegismatur: Litlar hakkbollur með kaldri skyr-kryddsósu ásamt kartöflum og salati.
Eftir hádegi: Strandferð í nauthólsvík ( Má mæta með dót fyir ströndina)
Fimmtudagur // 4. júlí
Fyrir hádegi: Sjóminjarsafnið (Gæti færst til)
Hádegismatur: Kjúklingasneið með sveppasósu, kartöflum mais og ávexti.
Eftir hádegi: Sundferð í Laugardalslaug
Föstudagur // 5. júlí
Fyrir hádegi: Leikir og stöðvar á Vals-svæðinu
Hádegismatur: Pylsupartí
Eftir hádegi: Heimsókn á árbæjarsafn