Dominos deild karla: Valur - Tindastóll (90-79)
Valur fær Tindastól í heimsókn þegar liðin mætast í Origo-höllinni að Hlíðarenda, fimmtudaginn 18. mars.
Leikurinn hefst klukkan 20:15 og hvetjum við stuðningsmenn til þess að tryggja sér miða í gegnum stubb-appið en líkt og undanfarið er upplag miða á leikinn takmarkað.
Leikurinn er styrktarleikur fyrir Píeta samtökin sem sinna forvarnarstarfi gegn sjálfsvígum og sjálfsskaða ásamt því að styðja við aðstandendur. Leikurinn verður í opinn dagskrá á Stöð 2 Sport og hefst útsending 19:45 þar sem vakin verður athygli á samtökunum. Einnig verður söfnun meðan á leik stendur:
Píeta Samtökin Kt: 410416-0690 | 0301-26-041041
Við Valsmenn viljum með þessum leik og umfjöllun vekja athygli á Píeta samtökunum og þeirra málefni sem er bæði brýnt og þýðingarmikið. Það er skoðun okkar að ef við getum nýtt íþróttir, skemmtun og gleði íþrótta, til að vekja athygli á jafn þýðingarmiklu samfélagsmáli og hér um ræðir, þá er sigur unninn. Það er von okkar að þessi leikur verði til að styrkja og mögulega leiðbeina einhverjum sem þarf á aðstoð að halda.
Ársmiðahafar þurfa að mæta tímalega þannig að tryggt verði að þeir komist í húsið - Mætum og styðjum við bakið á strákunum.