Anton Ari Einarsson skrifar undir tveggja ára samning við knattspyrnudeild Vals
Anton Ari Einarsson, annar markmanna mfl.karla í knattspyrnu, hefur skrifað undir tveggja ára samning við félagið. Anton stóð sig vel í sumar í þeim leikjum sem hann spilaði fyrir Val. Anton var valinn í U-21 árs landsliðið á þessu ári þökk sé frammistöðu sinni með Val. Alls hefur Anton leikið 11 meistaraflokksleiki fyrir Val.
Í tilefni af samningnum náði valur.is sambandi við Anton Ara sem
hafði þetta að segja:
Seinasta tímabil var í sjálfu sér fínt. Við unnum bikarinn sem
var algjör snilld og tryggðum þar með Evrópusæti. Við hefðum
klárlega getað gert betur í deildinni og safnað fleiri stigum en
við tókum sýndum á löngum köflum hvað við getum. Næsta tímabil
leggst vel í mig. Við missum ekki marga leikmenn og ef að við
styrkjum og breikkum hópinn aðeins þá erum við til alls
líklegir.
Evrópukeppnin verður virkilega spennandi og skemmtileg. Það
er vonandi að við stöndum okkur vel þar og förum í eitthvað gott
Evrópuævintyri. Stemmingin í hópnum var mjög góð á síðasta tímabili
og ég býst bara við því að hún verði enn betri næsta sumar. Mér
líður sjálfum mjög vel hérna í Val. Stemningin í hópnum er mjög góð
og svo eru aðstæðurnar líka mjög góðar.
Knattspyrnudeild Vals lýsir mikilli ánægju með að Anton Ari verði
næstu árin í félaginu, enda gríðarlega hæfileikaríkur markmaður.