"Valur heillar mig alltaf", Kristín Ýr Bjarnadóttir ráðinn aðstoðarþjálfari mfl.kvenna í knattspyrnu.

Kristín Ýr Bjarnadóttir, knattspyrnukona góðkunna, hefur verið ráðin aðstoðarþjálfari mfl.kvenna hjá Val. Kristín á 183 mfl.leiki að baki fyrir Val en stígur nú á hliðarlínuna. Kristín Ýr hefur skrifað undir tveggja ára samning við knattspyrnudeild Vals.
"Það sem heillar mig alltaf er Valur. Nú þegar ég hef verið
leikmaður í klúbbnum í 20 ár er ferillinn á enda og ný verkefni
taka við. Ég er svo heppin að geta haldið áfram að vera hluti af
þessu frábæra liði sem þjálfari. Og fyrir það er ég ótrúlega
þakklát. Að ná árangri með Val er það sem ég þrái í dag og alla
daga.
Komandi tímabil leggst rosalega vel í mig. Ég finn fyrir ferskum
anda í liðinu og miklum metnaði. Úlfur hefur komið með rosalegan
meðbyr með sér. Mér datt ekki í hug að ég mundi taka að mér þjálfun
á þessu stigi en hann náði að smita mig af þvílíkum metnaði og
áhuga frá fyrsta fundi.
Við höfum verið á uppleið síðustu misseri og ég trúi því að
við höldum áfram - hærra. Hugarfar leikmanna og metnaður er einnig
á hæsta leveli. Þar sem Valur á heima.
Pepsi skórnir eru komnir alveg á hilluna. Nú verða það bara
Copa Mundial í boðvanginum. Sjáum til með aðrar skótegundir þegar
sólin fer að skína og stirðir liðir mýkjast. En þjálfunin er númer
1,2 og 3 núna", sagði Kristín Ýr að lokum við Val.is












