Toppslagur í körfunni að Hlíðarenda í kvöld
Það verður sannkallaður toppslagur í 1. deild karla í körfubolta að Hlíðarenda í kvöld þegar Valsmenn taka á móti Fjölnismönnum.
Fyrir leikinn munar tveimur stigum á liðunum og með sigri geta Valsmenn tyllt sér við hlið Fjölnis á stigatöflunni.
Í byrjun vikunar gerði liðið sér lítið fyrir og lagði topplið Hattar á Egilsstöðum og verður forvitnilegt að sjá hvort Valur nái að fylgja sigrinum eftir og koma sér í enn betri stöðu í baráttunni um efsta sæti deildarinnar.
Leikurinn hefst kl. 19:30 í kvöld og hvetur Valur.is stuðningsmenn til að fjölmenna.
