Valsarar í landsliðinu
Valsarar í landsliðinu.
Landslið Íslands undir 17 ára drengja hefur nú lokið keppni á
Norðurlandamótinu, en mótið var haldið í Hamar í Noregi í ár.
Er skemmst frá því að segja að liðið stóð sig með miklum sóma.
Spilaði þrjá leiki í riðlakeppninni þar sem gert var jafntefli við
Noreg B í fyrsta leik, þá kom tap fyrir Dönum en sigur á Svíum í
síðasta leik riðilsins 2-1 tryggði annað sætið.
Lið Íslands spilaði því um verðlaun, 3 sætið við heimamenn
Norðmenn og unnu glæsilegan 5 - 2 sigur og landaði bronsinu. Finnar
urðu Norðurlandameistarar eftir sigur á Dönum í vítaspyrnukeppni.
Rétt er að geta þess að landslið Englands endaði í 5. sæti !
Tveir leikmenn Vals leika stórt hlutverki í þessu liði en það eru
þeir Darri Sigþórsson og Sindri Scheving. Sindri skoraði meðal
annars eitt marka Íslands í úrslitaleiknum og Darri var fyrirliði
liðsins í báðum sigurleikjunum á móti Svíum og Norðmönnum.