U-17 ára landslið Íslands
U-17 ára landslið Íslands í knattspyrnu hélt til Rússlands í september og spilaði í sínum riðli í Evrópukeppninni þar. Tveir Valsmenn, þeir Darri Sigþórsson og Sindri Scheving voru lykilmenn í þessu liði sem sló svo sannarlega í gegn.
Þeir gerðu sér lítið fyrir og unnu erfiðan riðil og tryggðu sér
þar með rétt til að leika í milliriðlum í vor.
Leikið var í Volgograd í Rússlandi og var spilað við Azerbadjan,
Slóvakíu og ríkjandi Evrópumeistara í þessum aldursflokki,
Rússa.
Leikurinn við Azera var fyrst á dagskrá og eftir hörkuleik stóðu
liðin uppi jöfn 3-3 þar sem Darri Sigþórsson skoraði eitt af mörkum
Íslands.
Þá var leikið við Slóvakíu og vannst frábær sigur 4-2 eftir að
Slóvakar höfðu verið yfir í hálfleik 1-2.
Lokaleikurinn var við Rússa, heimamenn og fyrir fullum velli unnu
Íslendingar stórkostlegan sigur 2-1 sem fáir höfðu átt von á.
Það er víst ekki á hverjum degi sem íslenskt landslið vinnur Rússa
í fótbolta.
Við óskum drengjunum auðvitað til hamingju með þennan frábæra árangur.