Valsmenn standa sig vel í Svíþjóð!
Ungur og efnilegur hópur Valsmanna hélt til Svíþjóðar annan jóladag. Þeim var boðið að taka þátt á Norðurlandameistaramótinu í handbolta, Norden Cup. Drengirnir eru í 5. Flokki í Val, fæddir árið 2000. Norden Cup er handboltamót þar sem meistarar Norðurlandanna mætast. Mótið er haldið árlega í Gautaborg, Svíþjóð.
Valsmenn hafa leikið mjög vel á mótinu og voru í þann mund að tryggja sér sæti í undanúrlitum eftir sigur á norska liðinu IFK Kristianstad í æsispennandi leik sem endaði 21-20 fyrir Val. Þess má geta að ekkert íslenskt lið hefur náð þessum árangri á Norðurlandameistaramótinu áður.
Búið að ganga vonum framar
Valsmenn byrjuðu á því að sigra norska liðið Ski IL Håndball 21 - 19 á föstudaginn. Laugardagurinn reyndist hinsvegar erfiður þegar Valur hlaut í lægra, á móti sænsku meisturunum IFK Skövde, 14 - 21. Seinna sama dag tryggðu Valsmenn sér sæti í 8 liða úrslitum með því að vinna sænska liðið VästeråsIrsta HF.
I morgun mættu Valsmenn svo norska liðini IFK Kristianstad í æsispennandi leik sem endaði 21-20 fyrir Val sem höfðu þó verið undir allan tímann.
Seinna í dag munu Valsmenn mæta norska liðinu Naerbö IL í undanúrslita leik (UPPFÆRT) Valsmenn sigruðu Naerbö og eru því komnir í úrslit.
Menn sem þekkja aðstæður
Valsmenn hafa öflugt teymi á bakvið liðið en þjálfarar hópsins eru þeir Maksim Akbachev og Óskar Bjarni Óskarsson sem ætti nú að kunna það vel að fara með lið á stórmót.