Grunnskólamót höfuðborga Norðurlanda

Grunnskólamót höfuðborga Norðurlanda fer fram í Reykjavík dagana 18.-23. maí. Keppt verður í frjálsum íþróttum á Laugardalsvelli, handknattleik í Laugardalshöll og knattspyrnu á Þróttaravelli.

Valur á tvo fulltrúa í Reykjavíkurúrvali í handknattleik en það eru þær Sigríður Birta Pétursdóttir og Auður Ester Gestsdóttir.

Grunnskólamót höfuðborga Norðurlanda hefur verið haldið árlega frá árinu 1948. Reykjavík tók fyrst þátt í leikunum árið 2006 í Helsinki og er nú í annað sinn gestgjafi mótsins. Íþróttabandalag Reykjavíkur hefur veg og vanda að skipulagningu og framkvæmd mótsins fyrir hönd Reykjavíkurborgar í samvinnu við íþróttafélögin í Reykjavík.

Keppt er í þremur íþróttagreinum á mótinu; knattspyrnu drengja, handknattleik stúlkna og frjálsum íþróttum drengja og stúlkna. Þátttakendur koma frá Helsinki, Kaupmannhöfn, Osló og Stokkhólmi auk Reykjavíkur. Hver borg er skipuð 47 manna hópi; 41 unglingur á aldrinum 13-14 ára, fjórir þjálfarar og tveir fararstjórar. Hóparnir gista á Farfuglaheimilinu í Laugardal. Reykvísku unglingarnir koma úr 17 grunnskólum í Reykjavík og 8 íþróttafélögum.

Þjálfari Reykjavíkurúrvals í handknattleik er Hafdís Ebba Guðjónsdóttir íþróttakennari. Liðið er skipað eftirtöldum leikmönnum:

Lena Margrét Valdimarsdóttir	Fram	Háleitisskóli
Berglind Björnsdóttir	Fylkir	Árbæjarskóli
Hrafnhildur Irma Jónsdóttir	Fylkir	Árbæjarskóli
Margrét Einarsdóttir	Fylkir	Norðlingaskóli
Hrefna Sæmundsdóttir	Fylkir	Árbæjarskóli
Harpa Lind Róbertsdóttir	ÍR	Seljaskóli
Sigríður Birta Pétursdóttir	Valur	Hlíðaskóli
Auður Ester Gestsdóttir	Valur	Hlíðaskóli
Sara Sif Helgadóttir	Fjölnir	Vættaskóli
Sara Dögg Hjaltadóttir	Fjölnir	Vættaskóli