Birta frétt

Sindri Björnsson, 21 árs miðjumaður Leiknis, hefur verið lánaður til Vals út komandi leiktíð.

Sindri er fæddur árið 1995 en hefur þrátt fyrir ungan aldur þegar spilað 77 meistaraflokksleiki og skorað í þeim 16 mörk.
Sindri var einn lykilmanna Leiknis á síðustu leiktíð Pepsi-deildarinnar og skoraði m.a. gegn Val í fyrstu umferð Pepsi-deildarinnar. 

Hann þekkir því hvernig er að skora á Valsvellinum og það er von Vals að hann skori fleiri mörk, nú fyrir Val á komandi leiktíð.
Sindri hefur jafnframt leikið með eftirtöldum yngri landsliðum Íslands:
U-21: 5 leikir
U-19: 10, 1 mark
U-17 : 6 leikir
Valsmenn binda vonir við þennan efnilega leikmann á komandi leiktíð.

Á fésbókarsíðunni ValurFótbolti má lesa viðtal við Sindra vegna samningsins.