3. flokkur kvenna Íslandsmeistari í handbolta
Þriðji flokkur kvenna í handbolta varð í gær Íslandsmeistari í handbolta eftir dramatískan háspennu sigur á Fram á úrslitadegi yngri flokka sem fram fór í Kaplakrika.
Mikið jafnræði var með liðunum í upphafi leiks en Valur seig fram úr þegar líða tók á hálfleikinn og leiddi með 4 mörkum í leikhléi.
Valur hélt uppteknum hætti í byrjun síðari hálfleiks og héldu stelpurnar forystunni þar til um miðbik seinni hálfleiks þegar Framarar sóttu í sig veðrið og náðu að jafna metin.
Það stefni allt í að leikurinn yrði framlengdur en Valsstelpur náðu að skora markið sem skildi á milli í síðustu sókn leiksins en þar var að verki, Ída Margrét Stefánsdóttir. Auður Ester Gestsdóttir var frábær í liði Vals og skoraði 8 mörk og var valin maður leiksins í leikslok.
Við óskum stelpunum og þjálfurum liðsins, þeim Jakobi Lárussyni og Degi Snæ Steingrímssyni hjartanlega til hamingju með titilinn.