Handboltatvenna sunnudaginn 2. febrúar
Það verður sannkölluð handboltaveisla sunnudaginn 2. febrúar þegar kvenna og karla lið félagsins í handbolta standa í stórræðum.
Klukkan 15:00 mætast kvennalið Vals og ÍBV en liðin freista þess að fylgja eftir góðum sigrum í síðustu umferð.
Strax í kjölfarið mætast karlalið Vals og Aftureldingar eða klukkan 17:15. Báðir leikirnir fara fram í Origo-höllinni að Hlíðarenda og verða grillaðir hamborgarar fyrir báða leiki.
Við hvetjum stuðningsmenn til að fjölmenna í Origo-höllina á sunnudaginn.
