Æfingar af stað hjá Val að nýju fimmtudaginn 15. apríl
Æfinga- og keppnisbann í íþróttum hér á landi verður afnumið á fimmtudaginn kemur og munu æfingar hefjast að nýju samkvæmt æfingatöflum hjá öllum yngri flokkum Vals. Samhliða þessu mun Valsrútan hefja göngu sína að nýju frá frístundaheimilum að Hlíðarenda.
Í kjölfarið munum við taka upp þá starfshætti sem við þekkjum í sóttvörnum hér að Hlíðarenda biðjum við forráðamenn og aðstandendur að virða eftirfarandi:
-
Ekki er heimilt að horfa á æfingar.
-
Mannvirki Vals að Hlíðarenda eru einungis opin iðkendum, þjálfurum og starfsfólki félagsins.
-
Ekki er ætlast til að foreldrar eða forráðamenn komi inn í Valsheimilið nema nauðsyn krefji og þá er grímuskylda (almennar fjöldatakmarkanir skv. nýjum reglum eru 20 manns).
-
Virðum fjarlægðarmörk sé þess kostur.
-
Passa þarf upp á persónulegar sóttvarnir, handþvott og spritt.