Birta frétt

Valur er deildarmeistari í Olísdeild karla eftir glæsilegan sigur á Selfyssingum í lokaumferð deildarkeppninnar í gær, sunnudaginn 10. apríl. 

Valsmenn höfðu yfirhöndina í leiknum frá upphafi og óhætt að segja að þeir hafi aldrei stigið af bensíngjöfinni og enduðu leikar 26-38. 

Með sigrinum tryggði Valur sér deildarmeistaratitilinn og er liðið nú handhafi Íslands, bikar- og deildarmeistaratitilsins í handbolta. 

Það liggur því ljóst fyrir að Valur mun mæta Fram í átta liða úrslitum Íslandsmótsins en fyrsta umferðin verður leikin 21. og 22. apríl næstkomandi.

Mynd: Guðmundur Karl af mbl.is