3. flokkur karla Íslandsmeistari í handbolta

3.flokkur karla vann á laugardaginn frábæran sigur á Haukum í úrslitaleik um Íslandsmeistaratitilinn (32-34) í háspennuleik sem fór fram að Varmá í Mosfellsbæ.

Mikið jafnræði var með liðunum allan leikinn en Valsmenn reyndust sterkari á lokasprettinum og unnu að lokum sterkan tveggja marka sigur.

Markaskor:
  • Breki Hrafn 12 
  • Dagur Fannar 8
  • Ísak Logi 5 
  • Tryggvi Garðar 4
  • Hlynur Freyr 2 
  • Þorvaldur Örn 2 
  • Daníel Örn 1

Haraldur Helgi varði 11 bolta í markinu og var Breki Hrafn valinn maður leiksins í leikslok.

Þá máttu stelpurnar í 4. flokki þola tap gegn Fram í hörkuleik sem endaði með sjö marka sigri Framara. Gott silfur gulli betra sagði einhver og árangur flokksins engu að síður frábær í vetur, deildarmeistarar í 1., 2. og 3.deild og annað sæti í Íslandsmóti.

Markaskor:

  • Guðrún Hekla 6 
  • Arna Karitas 3 
  • Katla Sigurþórs 2 
  • Sólveig 1 
  • Erla Sif 1

Arna Sif varði 12 og Hekla Soffía 2 bolta.