Birta frétt

Aron Dagur Pálsson hefur skrifað undir tveggja ára samning við Val en þessi 25 ára leikmaður kemur til liðsins frá Elverum í Noregi þar sem hann varð Noregsmeistari á dögunum. Aron er fjölhæfur leikmaður sem meðal annars hefur leikið hefur með yngri landsliðum Íslands.

"Ég er mjög ánægður að hafa fengið Aron Dag til liðs við okkur. Hann er öflugur og góður leikmaður sem getur leyst margar stöður bæði í vörn og sókn og kemur til með að styrkja hópinn mikið næsta keppnistímabil." sagði Snorri Steinn Guðjónsson þjálfari Vals eftir undirritun nú fyrir skömmu.

Við bjóðum Aron Dag hjartanlega velkominn í Val.