Birta frétt

Það verður sannkölluð körfuboltaveisla að Hlíðarenda í dag þegar fyrsta tvenna vetrarins fer fram í Origo höllinni.

Kvennalið Vals ríður á vaðið þegar þær mæta ÍR-ingum klukkan 18:00. Strax í kjölfarið mætir karlaliðið Stjörnunni en liðin áttust einnig við síðastliðinn sunnudag í háspennuleik sem endaði með sigri Vals.

Við hvetjum stuðningsmenn til að fjölmenna og styðja okkar lið til sigurs! 

Minnum á að nú standa yfir framkvæmdir við heimreið, gangstíga og bílastæði að Hlíðarenda sem hefur í för með sér töluverð áhrif á aðkomu áhorfenda.

Við bendum því þeim sem leggja leið sína að Hlíðarenda að nota nærliggjandi bílastæði í grennd við Hlíðarendasvæðið.