Aðalfundur Vals 2024
Aðalfundur félagsins verður haldin á Hlíðarendai næstkomandi fimmtudag 30. maí kl 17:00.
Að neðan má sjá breytingartillögur sem bornar verða fram á
samþykktum félagsins. Í meðfylgjandi link má sjá núverandi
samþykktir
Sérstaklega er bent á grein 11 í samþykktum að kjörgengi á aðalfundi:
11. GREIN - KJÖRGENGI, ATKVÆÐISRÉTTUR OG TILLÖGURÉTTUR Á AÐALFUNDI FÉLAGSINS. Tillaga til breytinga á samþykktum Knattspyrnufélagsins Vals:
Lögð fram til samþykktar á aðalfundi félagsins 30. maí
2024.
1. gr.
Við 9. gr. bætist nýr töluliður sem verður 9. töluliður
svohljóðandi:
Kosnir þrír til sex stjórnarmenn í minjanefnd
félagsins.
12. töluliður 9. gr. samþykkta um kjör endurskoðenda verður 13.
töluliður 9. gr. og 13. töluliður 9. gr. um önnur mál verður sá
14.
2. gr.
Við samþykktirnar bætist ný grein sem verður 18. gr.
svohljóðandi:
18. grein - Minjanefnd.
Minjanefnd skal starfa á vettvangi félagsins. Stjórn hennar skipa
að lágmarki 3 en að hámarki 6 stjórnarmenn sem kjörnir eru árlega á
aðalfundi Vals. Stjórn skiptir sjálf með sér verkum og kýs sér þar
á meðal formann. Minjanefnd er heimilt að kalla til sín aðra aðila
til samstarfs ef þörf krefur.
Hlutverk minjanefndar er að safna, skrásetja og varðveita
verðlaunagripi sem félagið vinnur til í keppni auk annarra gripa og
ljósmynda sem félaginu berast. Nefndin sinnir jafnframt
sýningarhaldi, bæði föstum sýningum og sýningum sem settar eru upp
af ákveðnu tilefni. Markmiðið er að sameiginlegur arfur allra
félaga í Val verði sýnilegur og stuðla þannig að aukinni samkennd
innan félagsins og skapa jákvæða ímynd þess og styðja þá iðkun og
starfsemi sem þar fer fram, á víðum grundvelli.
Um nánari starfshætti minjanefndar gilda starfsreglur sem
samþykktar eru á aðalfundi Vals.
3. gr.
Eftirfarandi breytingar (lagfæringar) verða á númerum eftirtalinna
greina samþykkta:
15. gr. verður 14. gr.; 16. grein verður 15. gr.; 17. gr. verður
16. gr. og 18. gr. verður 17. gr.
23. maí 2024
Allir skuldlausir félagsmenn 16 ára og eldri hafa kjörgengi til stjórnarstarfa, atkvæðisrétt, tillögurétt og málfrelsi á aðalfundi félagsins.
Vonast til að sem allra flestir félagsmenn sjái sér fært að mæta.
Fh. Vals
Styrmir Þór Bragason
Framkvæmdastjóri
