Íslandsmeistarar 8.flokkur kvenna
Sunnudaginn 16.maí síðastliðinn urðu stelpurnar
okkar í 8.flokki kvenna Íslandsmeistarar eftir glæsilegan sigur
gegn KR í úrslitaleik í A riðli í Kennaraháskólanum.
Leikurinn einkenndist af mikilli baráttu, sterkri vörn og var
nokkuð jafn fram í seinni hálfleik en þá gáfu okkar stelpur í og
stigu aldrei á bremsuna og niðurstaðan 61-43 sigur og titillinn í
höfn.
Þetta er fyrsti Íslandsmeistaratitill þessa árgangs og sá þriðji í
röðinni hjá yngri kvennaflokkum Vals en stelpurnar sem eru árinu
eldri hafa tvívegis náð í þann stóra.
Stelpurnar spiluðu rosalega vel saman í þessum leik, voru öruggar
með boltann og settu sterk skrín sem sköpuðu margar opnar
körfur.
Einnig spiluðu þær gríðarlega harða vörn sem erfitt var að brjótast
í gegnum og skoruðu fjölmargar körfur eftir sóknarfráköst.
Þjálfarar liðsins eru Ólöf og Bjarni og við óskum
þeim til hamingju með frábært starf fyrir félagið!
Til
hamingju með Íslandsmeistaratitilinn!
