Símamótið 2026

Símamótið fór fram dagana 9.-12.júlí þar sem við vorum með fulltrúa í 5., 6., 7. og 8.flokk, og stóðu þær sig með príði.

5.flokkur kvenna

5. flokkur kvenna fór á Símamótið síðustu helgi með 3 lið. Undirbúningur var mikill og mest áhersla var á liðsheild og stemningu. Liðin öll stóðu sig vel inn á velli en öll hraðmót eru mikil félagsleg þjálfun og þar stóðu stelpurnar sig sérstaklega vel. C liðið endaði í 3 sæti í sínum styrkleika, B liðið endaði í 2 sæti eftir hörku úrslitaleik við Fylki. Bæði C og B liðin unnu sig upp um styrkleika og sýndu mikla takta. A liðið vann Símamótið en þær tókust á við Breiðablik í úrslitaleik á Kópavogsvelli. Við höfum verið að vinna mikið í andlegri þjálfun og má þar nefna markmiða setningu, Hugrekki í hegðun og styrkleikavinnustofu. Þessi vinna með hausinn skilaði sé vel í úrslitaleiknum þar sem við lentum 0-1 undir en gáfumst ekki upp. Gerðum það sem við erum góðar í spila bolta niðri og hratt. Leikurinn endaði 2-1 fyrir Val. 5 leikmenn í A liði eru á yngra ári sem er líka mikið afrek. Þó svo að úrslitin hafi verið frábær er samt samveran það mikilvægasta. Framtíðin er björt á Hlíðarenda.

6.flokkur kvenna

6.flokkur kvenna fór með 5 lið á símamótið í ár og stóðu sig svo ótrúlega vel, áherslur þeirra á mótinu var að hafa gaman, spila fótbolta og vinna sem lið. Markmiðum okkar var náð og stóðu stelpurnar sig með prýði með einföldu. Þær eru búnar að vinna hörðum höndum í undirbúning fyrir þetta mót, æfa tækni, samspil og búa til sterka liðsheild og leikgleði.

7.flokkur kvenna

7. flokkur Vals fór með fjögur lið á Símamótið. Allt voru þetta stelpur sem hafa æft á fullum krafti í allan vetur og meiri hlutinn á yngra ári. Helgin hófst með hátíð í Valsheimilinu á fimmtudag þar sem stelpurnar stilltu saman strengi sína, klæddu sig, fléttuðu og máluðu í Valslitum. Leiknir voru þrír leikir bæði á föstudegi og laugardegi, og loks tveir á sunnudegi. Í lok leikdags styrktu stelpurnar vinaböndin enn frekar með því að fara t.d. saman á Valsleik eða sund. Það skiptust að sjálfsögðu á skin og skúrir á mótinu hjá okkar dömum en óhætt er að segja að þær allar hafi sýnt frábærar takta og lagt sig allar fram. Allar voru þær þreyttar en sælar í lok dags. Foreldrastemmningin var einstök og það er ljóst að með þessum stuðningi er von á góðu á næstu árum hjá Val.

8.flokkur kvenna

Litlu Vals krúttin í 8.flokk kvenna fóru á Litla Símamótið. Við vorum með 6 lið á mótinu en 64 stelpur æfa í 8. Flokk kvenna. Margar eru búnar að fara á mörg mót og þess vegna vanar en sumar eru að vinna í að þora að vera á vell og sparka í bolta. Hugrekkið kemur smátt og smátt. Gleðin var mikil og stelpurnar voru spenntar í marga daga á undan. Liðunum gekk mjög vel og var gaman að sjá framfarir og vöxtinn hjá leikmönnum. Óhætt er að segja að litlu krúttin hafi krúttað yfir sig enda fátt fallegra.