Börn & Unglingar - Íþróttaskóli Vals - Knattspyrnufélagið Valur

Íþróttaskóli Vals - Skráning á haustönn hefst þriðjudaginn 20. ágúst.

Fyrsti tími haustsins 2019 verður laugardaginn 14. september

Fyrir hverja er íþróttaskólinn?

Íþróttaskólinn er hugsaður fyrir leikskólabörn sem fædd eru 2014-2018 (eða frá 18 mánaða - 5 ára), en markmið hans er að kynna fyrir börnunum hinar ýmsu íþróttagreinar og leiki. Í skólanum læra börn að leika sér saman, leika með foreldrum auk þess að fylgja fyrirmælum kennara og vinna í hópum.

Skólinn verður starfræktur á laugardagsmorgnum og HEFST NÝTT NÁMSKEIÐ LAUGARDAGINN 14. september 2019.

Börn fædd 2017-2018 (f. 1. jan - 1. jún): Eiga tíma frá kl. 9:10-9:45
Börn fædd 2014-2016: Eiga tíma frá 9:50-10:30

Stjórnendur

Annað árið í röð mun Sigríður Ósk Fanndal sjá um íþróttaskóla Vals ásamt vöskum aðstoðarmönnum. Sigga er íþróttakennari í Seljaskóla, þaulreyndur þjálfari sem hefur starfað með öllum aldri og í margs konar íþróttagreinum. Hún hefur komið inní starfið hjá okkur með trompi og erum við gífurlega glöð að hún verði hjá okkur áfram.

Minnum á að mikilvægt er að skrá börnin sem fyrst í skólann til þess að ná örugglega plássi. Það er gert á heimasíðunni, undir "Skráning iðkenda" https://valur.felog.is/ eða hér í gegnum Íslykil/rafræn skilríki: innskraning.island.is/?id=valur.felog.is

Foreldrar, forráðamenn og aðrir sem fylgja börnum á æfinguna eru hvattir til að taka virkan þátt og aðstoða börnin í leik og hreyfingu. Mikilvægt er að mæta í þægilegum fötum og gott að vera berfætt til að ná sem bestu gripi á gólfinu.

Vakni upp spurningar varðandi skráningu er hægt að hafa samband við íþróttafulltrúa Vals, Gunnar Örn Arnarson í síma 414-8005 / gunnar@valur.is. Skrifstofa Vals er opin alla virka daga frá kl. 09:00-16:00